कुटुंबाकडून धमक्यांच्या भीतीने उच्च न्यायालयाचे  समलिंगी आंतरधर्मीय जोडप्याला संरक्षण

दिल्ली उच्च न्यायालयाने शुक्रवारी २ जून २०२३ रोजी एका समलिंगी आंतरधर्मीय जोडप्याला संरक्षण मंजूर केले कारण भागीदारांपैकी एकाच्या कुटुंबातील सदस्यांकडून त्यांना धमक्या देण्यात येत होत्या. 

न्यायमूर्ती रजनीश भटनागर यांनी पोलिस अधिकार्‍यांना त्यांचे संपर्क तपशील जोडप्याला प्रदान करण्याचे निर्देश दिले, जे त्यांना होणाऱ्या कोणत्याही समस्येच्या बाबतीत पोलिसांना कळवतील.आदल्या दिवशी, जोडप्याच्या वकिलाने मुख्य न्यायमूर्तींच्या अध्यक्षतेखालील खंडपीठासमोर तातडीने सुनावणीसाठी या प्रकरणाचा उल्लेख केला, ज्याने शुक्रवारीच सुनावणीसाठी त्याची यादी करण्यास सहमती दर्शविली.कोर्टाने पोलिस अधिकाऱ्यांना या जोडप्याच्या कुटुंबियांकडून त्रासदायक कॉल आल्यास त्यास  त्त्वरित उत्तर देण्यास सांगितले.

या जोडप्याचे प्रतिनिधीत्व करणाऱ्या वकिलाने सांगितले की भागीदारांपैकी एक हिंदू आहे, तर दुसरा मुस्लिम आहे आणि ते दोन्ही प्रौढ आहेत ज्यांना एकमेकांसोबत राहायचे आहे.वकिलाने सांगितले की, त्यांना हिंदू महिलेच्या कुटुंबीयांकडून धमक्यांचा सामना करावा लागत आहे आणि न्यायालयाने या जोडप्याला तसेच मुस्लिम महिलेच्या कुटुंबीयांना पोलिस संरक्षण देण्याची विनंती केली.

याचिकाकर्त्या जोडप्याने सांगितले की, हिंदू महिलेचे कुटुंब त्यांच्या नात्याच्या विरोधात आहे आणि त्यांनी तिला जबरदस्तीने उत्तर प्रदेशात नेऊन तिच्या इच्छेविरुद्ध एका पुरुषाशी तिचे लग्न लावण्याचा प्रयत्न केला होता.मुस्लिम महिलेच्या कुटुंबावरही धर्मांतराचे आरोप लावण्यात आल्याचा दावा वकिलाने केला आहे.

सध्या येथील निवारागृहात राहणारे हे जोडपे भाड्याच्या निवासस्थानी स्थलांतरित झाल्यास संबंधित पोलिस अधिकाऱ्यांना कळवण्यात यावे आणि त्यांना संरक्षण द्यावे, असे न्यायालयाने निर्देश दिले.